“Header 1” #SEO və #SEM təlim kursu yekunlaşdı
19 fevral – 11 mart tarixlərində Azərbaycan Gənclər Fondu / Azerbaijan Youth Foundation-nun maliyyə dəstəyi, AYAFE Azerbaijan-nın təşkilati dəstəyi, Mediamark, Elseo.az, Data SoCool şirkətlərinin tərəfdaşlığı, buqelemun.com və Edumap.az-ın media dəstəyi ilə həyata keçirilən “Header 1” SEO və SEM təlim kursu uğurla başa çatdı.
Rəqəmsal Marketinqin SEO (Search Engine Optimization) və SEM (Search Engine Marketing) sahələri üzrə ölkəmizdə kadr azlığını nəzərə alaraq marketinq menecerləri və Rəqəmsal Marketinqlə maraqlananlar üçün onların bu sahə üzrə bilik və bacarıqlarının artırılması və ixtisaslaşmasına dəstək göstərmək məqsədilə həyata keçirilən “Header 1” SEO və SEM təlim kursu yekunlaşdı.
Marketinq sektorunda çalışan və Rəqəmsal Marketinqlə maraqlanan 32 gəncin iştirak etdiyi layihə müddətində SEO və SEM sahələri üzrə ümumilikdə 6 təlim keçirilmişdir.
#19fevral tarixində keçirilən layihənin 1-ci təlim günü layihə rəhbəri Şirvan Şirvanlının çıxışı ilə başlamış, layihənin məqsədlərinin və proqramının təqdimatı ilə davam etmişdir. Təlimin ikinci hissəsində Azərbaycanlı Google Certified Educator Muzaffer Kharayev -in SEO üzrə ilk təqdimatı baş tutmuşdur.
#22fevral tarixində baş tutmuş 2-ci təlim günündə saytların SEO strategiyasının qurulmasında önəmli faktorlardan olan “#Keywords və #UserExperience” mövzuları üzrə təlim keçirildi.
#26fevral tarixində reallaşmış 3-cü təlim günündə saytların axtarış motorlarında optimizasiyası üçün ən vacib amil olan “#Kontent” haqqında, təlim gününün ikinci yarısında isə qonaq spiker, Biznes Analitik Nüsrət Məmmədovun təqdimatında “Rəqəmsal Marketinqin Biznesdə rolu” haqqında təlim sessiyası baş tutub.
#29fevral tarixində həyata keçirilən layihənin 4-cü gününün birinci hissəsində “#Backlink”-lər haqqında təlim keçirilib. Təlimin ikinci hissəsində 32 iştirakçı ümumilikdə 6 komandaya bölündü və komandaların hər birinə fərqli mövzuda kontent yazmaq və spesifik bir saytın SEO analizinin edilməsi tapşırığı verildi.
#4mart tarixində baş tutan 5-ci təlim günündə layihə müddətində öyrədilmiş biliklərin möhkəmləndirilməsi məqsədilə qarşılıqlı müzakirələr əsasında davam edən “Saytların SEO üzrə “Google”-da 100 sıralama faktoru” mövzusu üzrə təlim sessiyası keçirildi.
#11mart tarixində reallaşan, layihə çərçivəsində 6-cı gün – təqdimat günündə komandalar hazırladıqları kontent və saytın SEO analizini təqdim etdilər. Komandaların işləri əvvəlcədən müəyyənləşdirilmiş qiymətləndirmə meyarlarına uyğun olaraq təlimçi tərəfindən dəyərləndirildi və qalib komandalar seçildi. Qalib komandaların üzvlərinə onlayn kurslar hədiyyə olundu. Təlim gününün ikinci hissəsində layihə iştirakçıları sertifikatla təltif olundular.
Yekun olaraq, Azərbaycanlı Google Certified Educator Muzaffer Kharayev -in təlimçisi olduğu “Header 1” SEO və SEM təlim kursunun keçirilməsi nəticəsində marketinq sektorunda çalışan və Rəqəmsal Marketinqlə maraqlanan 32 gənc SEO və SEM sahələri üzrə bilik və bacarıqlar əldə etdi və bu sahə üzrə karyerasını davam etdirmək istəyən iştirakçılar ölkəmizdə fəaliyyət göstərən qabaqcıl marketinq şirkətlərinə təcrübə proqramına yönləndirildi və onların bu sahə üzrə ixtisalaşmasına dəstək göstərmək məqsədilə onlayn kurslar hədiyyə olundu.
